ક્યારેક એંવુ પણ બને, ક્યારેક આવું પણ બને
ક્યારેક ધાર્યુ ના બને, ક્યારેક અણધાર્યુ બને --- (૧)

ક્યારેક ઉડવાની ઝંખના જાગે, પાંખો મળે,
ખુલ્લુ આસ્માન મળે ને મન રોકટોક કર્યા કરે --- (૨)

ક્યારેક પીવાની તલબ ઉપડે, સુરાલય મળે,
મહેફિલ જામે ને હોઠ મૂંગામંતર મળે --- (૩)

ક્યારેક જીંન્દગી નો સાર મળે, ગગન નો પ્યાલો પીવા મળે,
ને હ્ર્દયે પ્યાસ મળે --- (૪)

ક્યારેક પ્રેમ મળે, દિલ મળે, હૈયા મળે,
ને ધડકને ગ્રહણ મળે --- (૫)

ક્યારેક નવી રાહ જડે, દિશા મળે,
નવો કાફિલો મળે, ને મંઝીલે "તમસ" મળે --- (૬)

ક્યારેક મૌત મળે, લોક ભેગા મળે,
પણ કોઇની આંખે રુદન ના મળે ---(૭)

---- હિતાર્થ