A+ A A-

Dekhta Deekra No Javab - Meenu Desai

(શ્રી ઇન્દુલાલ ગાંધીના \"આંધળી માનો કાગળ\" કાવ્યનો શ્રી મીનુ દેસાઇએ લખેલો જવાબ)

દુઃખથી જેનું મોઢું સુકાયેલું, ચહેરે કુંડાળાના પટ
ઝવેરચંદના ઝીણિયા આગળ ગગો લખાવતો ખત
માડી એની અંધ બિચારી, દુઃખે દા\'ડા કાઢતી કારી.  (૧)

લખ્ય કે ઝીણા, માફી પહેલી માગી લઉં છું હું આજ,
જ્યારથી વિખુટો પડ્યો હું તારાથી ગમે ના કામ કે કાજ,
હવે લાગે જીવવું ખારું, નિત લાગે મોત જ પ્યારું.  (૨)

ભાણાના ભાણિયાની એક વાત માવડી છે સાવ સાચી,
હોટલમાં જઇ ખાઉં બે આનામાં પલેટ અરધી કાચી,
નવાં જો હું લૂગડાં પહેરું, કરું ક્યાંથી પેટનું પૂરું ? (૩)

દનિયું મારું પાંચ જ આના, ચાર તો હોટલે જાય,
એક આનાની ચાહ બીડી માડી ! બચત તે કેમ થાય ?
કરું ક્યાંથી એકઠી મૂડી ? કાયા કેમ રાખવી રૂડી ? (૪)

પાંચ આનાની મૂડીમાંથી હવે સંઘરીશ રોજના બે,
મોક્લી આપીશ માસને છેડે હું રકમ બચશે જે,
જેથી કંઇક રાહત થાશે, કદી હાથ લાંબો ન થાશે. (૫)

માસે માસે કંઇક મોકલતો જઇશ તારા પોષણ કાજ,
પેટગુજારો થઈ જશે માડી ! કરતી ના કામકાજ,
કાગળ ન ચૂકીશ માસે, લખાવીશ ઝીણિયા પાસે. (૬)

લિખિતંગ તારા ગીગલાના માડી ! વાંચજે ઝાઝા પ્રણામ,
દેખતી આંખે અંધ થઇ જેણે માડીનું લીધું ના નામ,
દુઃખી તું ના દિલમાં થાજે, ગોવિંદનાં ગીતડાં ગાજે. (૭)

- મીનુ દેસાઇ

Comments   

0 # Mahendra
Bhana na Bhaaniya ni vaat saav saachi maanvi hamesha ;-)
Reply
0 # SARTHAK PATEL
:cheer: really.. aandhli mano kagal and dekhta dikra no javab sambhaliye to aankh mathi aansu aavi jay 6e..
Reply

Add comment


Security code
Refresh